法达斯维:曼联大小S上阵震军心
采集侠
发表于:2015-09-25 14:452
与「巴洛战」同时间开波嘅另一场北美站赛事,由杀声震天嘅曼联作客美职球队圣荷西地震。红魔接连买入舒韦恩史迪加同舒尼达连,中场真係冇得输,「大小S」今仗大有机会首度拍住上,誓要向「魔王」尹戈尔证明佢哋先係防中最佳组合,连输五场慌失失嘅地震,呢次有得震冇得瞓,不妨直取曼联让球客胜。(有线64及203台周三早上11时05分直播)
曼联近年中场长期积弱,尤其係防中只得卡域克较为可靠,「魔王」尹戈尔亦忍无可忍,上周一日之内连买舒韦恩史迪加同舒尼达连;「小猪」虽已「三张」但洞察力强,舒尼达连球风勇悍,被喻为「新坚尼」,日前国冠盃对CF阿美利加更建「头」功赢波,极速融入新东家。查实红魔中场劲多人拣,竞争激烈,两人要站稳防中主力位置唔係话咁易,好彩「爆炸头」费兰尼因上季尾轮直红被逐,新季头三场联赛要坐越季波监,尹戈尔讲到明呢排唔会用佢,并试用其他球员,造就「大小S」今仗大有机会首次合作,梗係要加多两钱肉紧啦!
地震王牌前锋缺阵
地震依家排西岸尾三,佢哋近期变咗慌失失兵团,之前五场输晒,特别係上场联赛作客银河,领先两球大好形势下,竟然发波瘟狂失五粒,条防线好似纸扎咁一笃即散。最弊係箭头云度路斯基仲替美国踢紧金盃,冇咗呢位王牌射手压阵,搞到地震攻守都唔掂,想止泻都有心无力。红魔新兵「大小S」同迪比初嚟甫到,难得撞正呢旧冇骨鱼腩,势必搏甩髀凼「魔王」,斯维认为佢哋可大胜一场,让球客胜有买趁早。
热门资讯
资讯动态
热点标签